格格党

手机浏览器扫描二维码访问

卷二 远照的屋厅（第1页）

卷二　远照的屋厅

banner"

>

三个老阿姨坐在远照的屋厅里。

一个韦医生，一个程医生，一个李医生。

程医生回来参加圭宁中学的百年校庆。

会齐了当年的同事韦与李，三人一起，上午开完了校庆大会，又去校方安排的县二招吃自助餐，她们见到了几十年不见的老同学，聊够了天、感够了慨、讲够了身体、唏嘘够了早逝的人，然后就来到了同事梁远照家，她们互相说着，来睇睇远照（她没上过中学，校庆无份），亦睇睇跃豆（她竟然坐上了嘉宾席）。

渠哋就来了。

见到椅凳就一屁股坐落，像在当年的公共灶间……渠哋一个比一个老，行在街上系老婆婄，不折不扣，只有跃豆能辩认出渠哋当年风华，她见过她们后生时径。

乜人知，渠哋竟有噉多苦……程医生，幼时跃豆见渠好峙势高逗，从来不屑于同细侬讲话，渠老公在省会南宁，卫校老师，在更高阶层。

现在她倒是很愿同跃豆说话，讲得冇停嘴。

作为一个“写书”

的人，跃豆被阿姨们视为有出息。

程医生很有几番经历，她无使别人起头，自己就起了头，对住跃豆就一径讲起……圭宁中学啊，系54年考上嘅，1954年，三年。

57年毕业，分配到农村代课教书，冇去，退出嚟，好彩冇去……1958年考上南宁医专，系大专，啯年系大跃进，多招咗好多人，就考上了，啯一步走得好彩。

当年高中同班同学，在乡下当代堂老师，冇去考医专，后尾统统留农村，一个比一个苦……62年毕业派返县医院，老公在南宁，直到76年正调得到南宁团聚。

十四年，日日搏命，出诊、夜班，哎吔你都谂唔到，连续三十六个钟头唔得休息……累得实在顶唔顺……前置胎盘、子宫破裂……在新丰咁远喔，要出诊，点去啯？搭单车，有单车社嘅啯阵，单车社就在体育场嘅对面，单车后面安只座，唔系三轮车，系两个辘架单车，自行车。

啯阵仲未有救护车，二十世纪七十年代中期先有……

时常系夜晚黑出诊，半路听闻山阿边有人唱，两边路都黑筢邋，根本冇灯光，以为系哭声，有时径又好似唱山歌……至担心着拐卖，反倒冇担心单车跌落山底……几远几远，总未到，就担心着拐卖，问踩车嘅人，点解仲未到，佢讲，快了，就到嘅嘞，跟住又好耐冇到，就好紧张……一次有个戴手表嘅人来喊出诊，真系怪，农村会有人有只手表，表几贵重嘅。

原来系四清工队同志，佢住户得急病……有时径出诊到半路，又撞到另一个要急诊嘅，有次半路上病人就断气咗张肥佬（急救车司机）一啲冇帮手，实在冇办法，只好同死者嘅老公，将尸体拖去路边再掀落山，等天光再返村叫人嚟处理……惊到死……

有次生出怪胎，龙凤胎，先出嚟一个，好细，系死胎，又出嚟一对脚！

下不来，叫外科嚟，亦唔得，唯有剖腹，哎呀，系一只无脑无手嘅大圆球……又一次，系一个双头怪胎，先出嚟一只头，乜嘢都下不来，一摸，颈部又叉出一只，就剪掉先出嚟嘅头……自己嘅仔啱啱生十日，南宁就有医生嚟做剖宫术，啯时啱开始学，就跟住学了二十日，产假一共五十六日，剩嘅十几日我想去**，去广州，将仔摆在**，使棉絮围住渠唔畀落嚟……累啊啯阵，带住细佬仔返工，刮宫，十个插管，刮五个，夜班出嚟十点才返屋企，多做三只钟头……

程医生正讲到半夜掀尸体落山，家里来了客人，男的，高大健硕，举止从容，却面生。

就闻母亲大人讲，渠系你表哥哪（读NIE），讲要见见。

她前所未闻，从未见过，她皱住眉头，匆匆望一眼，含糊点点头，之后扭头听程医生接住讲。

程医生讲完怪胎又讲乳腺癌……程医生自己生了乳腺癌，做了手术，深挖，淋巴都挖掉，所以供血唔好，左手系肿嘅，渠举俾跃豆睇，右手骨折，两只手都唔方便……做完手术要做化疗，要做六次，只做了一次，唔做嘞。

做放疗，现在算系手术后生存五年嘞。

渠口气平淡，仿佛讲嘅系人哋嘅事，完全唔似讲渠职业生涯阿种惊咋……渠唔怕死，随时准备死。

这些话她没有讲，也等于讲了。

李阿姨，一直安静，她迟过程医生三年高中毕业，考上同一家医专，读四年。

李阿姨身体都冇好，高血压、糖尿病，做了心脏手术。

她福气好，两个仔都发达，在高档小区买了两幢别墅，豪车进出……李阿姨是看着我长大的，这句话也可以倒过来说——我六七岁阿阵望住渠结婚，渠结婚时就在沙街，阿个至深天井嘅房间，一张系红绸被面，一张系绿绸被面，婚被要细佬仔在上头打滚，我专门碌阿张绿绸被，滑捋捋、软溻溻……婚礼嘅喜糖同蔗……啯间房向来都唔上锁，我随意进出钻到床脚，擦火柴，差啲点着床板……我望住李阿姨生侬厄，抱返沙街，第一次见到新生儿，红嘅、皱嘅、细到似只猫……尿片使火盆烘住，尿骚味弥漫整间屋……我望住李阿姨老公李叔在“文革”

中穿上灰军装、戴上八角帽，举住红旗做弓步，屈肘昂首……就在共用灶间，渠同几名医专实习女生排练……后尾渠全家冇见，去了南部公社，之后几十年冇见……

韦医生有七十六岁，灾难接二连三，先系碰到一件冤屈嘅事，医疗事故，赔咗几十万……大仔在柳州万把人嘅大企业，冇谂过有一日会发唔出工资，唯有出来做直销，一睇电视新闻捣毁直销团伙，韦医生就心惊胆跳……老二巨海，体育学校毕业，托人，特殊学校做体育老师，又酗酒，成日饮个唔停，结果，股骨坏死，领了残疾证病退返屋企，渠日日唔出门口，日日黐实实电脑，连饭都要捧到渠跟前。

老婆离婚了，本来就唔安分，成日跳舞到半夜返，搭了一个医生，又同一个做地产嘅……孙女冇人理，高三，住校，每礼拜日返屋企都要带钱俾学校，垃圾袋费、复印费、资料费……校服就着五套，夏季两套，秋冬季两套，升国旗仲有专门一套……只有去街上做坐堂医生，冇月薪，按人头算，睇个患者三元诊费。

好得有医师证，都有用嘅，俾南部乡下嘅诊所办执业证，每周去一次，一月一千几文，自己出路费。

“唔做点得，要养三个人……”