格格党

手机浏览器扫描二维码访问

卷三 食饭闲聊录（第4页）

文友甲：今时都冇拉颠佬去别处了，我哋改造颠佬，俾渠哋吃，俾渠哋做，引导渠哋，俾衣服渠哋穿，免得太冇体面。

阿阵时搞南珠杯，考验各只县管理能力，颠佬影响市容。

阿边亦几多啯，到处都有颠佬，碰到上级领导来检查，大家都冇办法。

故事，蓝氏女——

六点半了，部长仲未到，传来话，阿边仲未齐，可能要到七点，大家先吃。

大家讲再等等也无妨，反正总系倾偈。

于是故事又开始了，有关一个女性——

啯个女啯，大家都讲她足够三八。

三八，北京讲就是有点二，有点二百五。

蓝氏女，体校老师。

平日住在体育场宿舍，全楼就系渠一人。

有次开常委会要冲入去，我就推渠，一推，渠马上脱大裤，吓得大家赶紧拧头。

我在乡政府时径，有只颠佬也常时来，我捶了渠一餐，再也冇敢来了。

啯个蓝氏女，赖诗人前两年写了篇散文《丑女》，登上市里报纸，渠睇见就大吵大闹。

拿一张自己十八岁啯照片到处俾人睇，照片上呢，渠叉腰企在西门口。

渠见了人就逼人睇，举到人面前，问：你睇睇你睇睇，我歆哋丑歆地哋！

上头一望不成体统，令赖诗人写检讨，写了两铺渠都通冇过，年三十晚，渠气鼓鼓冲入赖诗人屋企，赖诗人正在砧板上斩鸡，吓得斩了半只鸡俾渠。

今时安置到廉租房了，按理讲，她啯条件冇够住廉租房啯。

文友丁：她至计较就系赖诗人写她系处女，她认为系污辱，逢人就要讲清楚：渠冇系处女，结婚结了一只月，同她男人睡过了，系睡过了才离婚啯。

有次渠又去政府闹，找了个男干部来处理，系原来体校的，力气几大，一把抱起就出门口，男干部想犏（扔）她落大街，发现怎样软塌塌，像摊泥，扔都扔冇落。

故事，赖诗人——

讲到赖诗人，大家就望佢，讲：赖诗人现时发达了，做了三间幼儿园。

佢连连摆手，讲，有两家系同人搿份啯，不过自己阿家，亦都有百十只细佬仔。

收几多银纸呢？我问，佢老实答道，每学期收2700文，饭费在内啯，在全市算中下。

文友乙讲，连白马啯幼儿园每期都收3500文，最贵啯收万文，有英文班啯。

我就问座中教育局文友，答讲圭宁有两三百间幼儿园，城区系二百家左右。

吓，咁多，真系吓人，无衷系家家生三胎咩。

文友讲：就系喔，火烧桥附近就有十家，你去睇睇就知。

静场分把钟，各自饮了啖茶，就有人起头，讲起了往时赖诗人参军啯故事。

吓，渠体重不够的，98斤，差两斤，称体重啯护士喊渠去吃点嘢。

渠就出去吃了两碗米粉，返回一称，99斤5两，又去吃了两大海碗粥，再称，称砣还是有点下坠，护士讲：算了，过关了。

有人插话：冇系，系在裤裆吊了只秤砣，体重就够了。

又讲渠在柳州当武警阵时，同广西老乡私下讲，每次都系表扬湖南兵，我哋一次冇得表扬，怎办啰？就想出了办法。

指导员上厕所，时间基本固定，两人就每日睇准时间去冲厕所，连冲三日，于是得表扬。

仲有呢，赖诗人调到伙房采购，采购猪肉，连长老婆来了，喊小赖小赖，渠就割一块肉俾连长老婆。

结果指导员老婆望见了，也来伙房，小赖就也俾她割一块猪肉，割得多过头先连长老婆啯。

大家笑：几正常啯，几正常啯。